國泰（293）昨日推飛紐約50蚊的震撼大優惠，轉眼間facebook群情洶湧，Samantha同好多人一樣，點都登入唔到，非常同意留言：係咪呃人㗎？
在廉航爭食和旅遊網站令資訊更透明下，國泰加入賣大包行列。憑旺角銀行中心少咗人，旅遊訂票網站Priceline輕鬆突破千美元大關，百度旗下旅遊網站「去哪兒」在Nasdaq上市當日，狂飆89%就知金牛板塊喺邊度。
前晚一份通告，令Samantha開始佩服文化傳信（343），佢哋又「濕平」，全資附屬斥7,834萬元，收購天河聯盟控股51%股權，呢間目標公司未營運，前景將是注入「Max-Trip」電腦系統，是與旅遊相關的電子商貿平台。文傳簡直好似一名「潮男」將最潮的關鍵字擺上身，周杰倫、手機app、手機遊戲等。
不過話分兩頭，經歷周杰倫、手遊多個概念，股價呢幾個月都喺1.3至1.5元上落，好似「潮男」長期引誘你，講到自己幾好幾好，其實引誘完冇後話。
通告雖然話，天河聯盟保證2015年和2016年，純利唔會少過3,000萬人仔，問題係文傳去年虧損達3億元，就算昨日大成交但次次誠意欠奉，Samantha就唔跟了。
Samantha
本欄逢周一、三、五刊出
足本收睇《亂噏24》x 楊千嬅；緊接落嚟 Miriam 繼續同你談談情, 吹吹水！
周一至周五《亂噏24》約定你： http://bit.ly/appletalk24