就到聖誕，各大商場密鑼緊鼓佈置場地吸客，銅鑼灣wtc more世貿中心重金禮聘澳洲著名彩糖藝術組合Pip & Pop來港，製作名為X'mas sugarland嘅大型藝術裝置，20呎高嘅多層仿製棉花糖聖誕樹，令人聯想童話故事嘅糖果屋。
八方噚日探班，見到Pip & Pop嘅Tanya Schultz用紙漏斗慢慢將砂糖堆成唔同場景，Tanya笑言以往展覽都試過有小朋友「偷食」被阻止，皆因啲糖加咗唔同顏料，睇得唔食得，今次完成後亦會加玻璃保護，其間最驚有人行過手多掟啲雜物落去就功虧一簣。Tanya鍾意搜羅本土得意擺設放入設計，好似sugarland嘅鳥屋，入面嘅雀仔就嚟自旺角雀仔街。
足本收睇《亂噏24》x楊千嬅；緊接落嚟 Miriam繼續同你談談情,吹吹水！
周一至周五《亂噏24》約定你： http://bit.ly/appletalk24