狼振英擺明愛北風，狼太梁唐青儀則鍾意吹風。話說狼太前晚喺中環出席聖誕活動揭幕禮，致辭時話聖誕雖然好凍，但都畀人好溫暖嘅感覺，將人與人之間拉近，話口未完突然吹來一陣強風，狼太雖然被吹到披頭散髮，但強裝鎮定執生話：「我好鍾意風，畀到大家動力生命力。」
創作《活着》、《兄弟》等暢銷作品嘅內地作家余華，噚日出席中大一論壇時唔吹風卻抽水。有同學仔問佢，何解多部作品都咁令人絕望，唔畀希望讀者？余華笑笑口話，樂觀嘅作家往往都寫令人絕望嘅嘢，仲以狼英舉例話：「就像梁振英看來那麼威風，說不定他每晚都睡不着要服安眠藥！」
足本收睇《亂噏24》x楊千嬅；緊接落嚟 Miriam繼續同你談談情,吹吹水！
周一至周五《亂噏24》約定你： http://bit.ly/appletalk24