聯盟唯一不敗之師溜馬，周一主場硬撼灰熊，憑賽前同索女球迷合照嘅主將保羅佐治（圖）攻入全場最高23分，加上L史堤軒臣以13分、12次助攻同11個籃板做出職業生涯首個「3雙」，以95:79大炒客隊，7日5戰全勝，今季8連勝，繼續刷新隊史開季最佳紀錄。攻入11分嘅灰熊後衞干尼，賽後話有希拔交出5次封阻嘅主隊防守真係好勁，輸得心服口服！
足本收睇《亂噏24》x 楊千嬅；緊接落嚟 Miriam 繼續同你談談情, 吹吹水！周一至周五《亂噏24》約定你： http://bit.ly/appletalk24