呢排頻頻有大行因為捲入造市案而被罰款，而且動輒幾十億，賠到窮，業績幾好都冇用。摩通繼上個禮拜由CEO戴蒙喺倫敦警告員工喺電郵、WhatsApp講嘢小心啲，又有傳話連網上聊天室都唔俾交易員用，避免捲入造市案。
有消息話，摩通同埋瑞信正考慮，禁止交易員透過例如彭博終端機等電子交易平台與其他銀行嘅交易員聯絡。蘇格蘭皇家銀行、巴克萊、瑞銀同埋花旗亦正檢討網上聊天室嘅使用情況，同埋控制及監察其他所有電子通訊設備。
其實交易員已經好習慣使用網上聊天室，同其他行家或者客戶聯絡，全球外匯、商品、股票及固定收益資產買賣，有部份係透過聊天室促成，主要係由彭博主機連結嘅。不過呢排咁多利率同埋其他市場操縱案，監管機構亦開始贒實聊天室。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange