港視今次攞唔到免費電視牌照，好多追隨王維基搞電視革命嘅藝人都前途未卜。喺呢場電視風雲中，做咗半個opinion leader嘅港視藝人艾威，咁啱噚日有工開，為新戲試造型。
艾威有乜好路數？原來佢幫香港電台拍電視電影，同著名編劇岸西合作，艾威笑言，聽聞遲吓香港電台會有電視頻道，咁究竟呢條頻道算唔算係「第五個電視台」呢？講開又講，香港電台又真係籌備緊數碼地面電視廣播服務，將會有三條節目頻道，但要等到2018年先會正式全面投入服務，到時香港電台咪名正言順做第五個台囉。
艾威又話，經過港視抗爭，先發覺立法會議員原來投棄權票都可以有咁大影響力，佢自己過去冇登記做選民，話覺得「好慚愧」咁話。
足本收睇《亂噏24》x楊千嬅；緊接落嚟 Miriam繼續同你談談情,吹吹水！
周一至周五《亂噏24》約定你： http://bit.ly/appletalk24