【特設專區】
天貓淘寶今年特設香港專區，截至昨午止，港澳台及海外地區錄得約1.1億元成交，其中大部份來自香港地區。多名港人亦參與其中，惟反應不一。
預先選定心水貨品
「成個淘寳網都是雙十一宣傳，好多半價！我𠵱家都仲睇緊，諗一陣間一次過落手。多嘢到冇可能睇得晒。」 時裝店經理Kitty昨日埋頭淘寳，她對《蘋果》記者表示，打算消費一到兩千元，主攻服飾及平板電腦等小型電子產品：「呢個平板（499元人民幣）香港要七、八百元；呢對鞋原本600元變125元，抵買！」
Kitty去年11月11號誤打誤撞買到平嘢，今年一早做功課。幾日前先選好「心水」貨品放進「購物車」，再篩選劈價後哪些「抵買」。
而教書的陳小姐領教過去年雙十一購物節後，今年怕怕了！她告訴《蘋果》記者：「我上年雙十一用了好多時間淘寳。第一次就交易失敗，用成個鐘再逐一剔過，終於成功付款。但最後竟然收不到貨。話原來銷售量太大，已經冇貨。雖然全數退款，但浪費好多時間。」
金利豐證券研究部董事黃德几表示，太太參與淘寶多年，主力購買玩具，最多消費數百元。
足本收睇《亂噏24》x楊千嬅；緊接落嚟 Miriam繼續同你談談情,吹吹水！
周一至周五《亂噏24》約定你： http://bit.ly/appletalk24