5位入圍亞洲先生2號喬冠文、4號鍾昊、10號王磊、12號李健同15號狄凱亞，前晚到亞視大埔總台進行格鬥術綵排，陳鈺芸（JuJu）會教佢哋跆拳道、埋身肉搏等技術，佢話：「李健同同狄凱亞好健碩，對韓國有好感，李健同係韓國人，佢好sweet，狄凱亞好大隻。」雖然JuJu對亞生有讚冇彈，但李健同狄凱亞就先後請JuJu食檸檬，李健話𠵱家冇女友，問佢哋有冇機會發展，佢即尷尬話唔知道。狄凱亞就話鍾意高䠷女友，自爆女友係模特兒，擺明嫌JuJu身形矮細，而入圍亞生同候選亞姐噚日就去咗銅鑼灣宣傳。
撰文：馮仁昭
足本收睇《亂噏24》x 楊千嬅；緊接落嚟 Miriam 繼續同你談談情, 吹吹水！
周一至周五《亂噏24》約定你： http://bit.ly/appletalk24