港股噚日下晝突然一度爆升380點，大藍籌、細價股齊齊炒上，升得鬼咁急，好多散戶都係咁大聲呻入唔切貨，簡直眼淚在心裏流。
當中，乳業股成為焦點，蒙牛（2319）向淡馬錫附屬、厚樸出售部份雅士利（1230）股權，雅士利開市無幾耐就破頂見4.45元，之後在大部份時間都放4.1元水平橫行，收市之前一個鐘又炒番高少少，全日收報4.24元。
對於呢單交易，高盛話對蒙牛盈利無乜嘢太大影響，維持中性微降目標至33.2元。瑞銀就咁啱出咗份報告升雅士利目標至4.5元，評級升至買入。
現價買 上望4.5元
如果怕摸頂，唔想高追，不妨考慮另外一隻與孩子相關嘅股份——好孩子國際（1086）。
首先，1）有望「炒政策」，市場傳出三中全會之後，將發佈放寬一孩政策嘅喜訊，雖然有關當局已經作出了否認，之不過市場仍然憧憬會局部放寬，並發表有關初步放寬政策的細節。
2）技術走勢出現利好訊號，該股由上個月中最高見4.49元，並已回落不少，昨日走勢圖上，出現「T字星」，即是開市後不久，即大幅下挫跌至最低3.62元，但其後買盤湧現，臨近收市前，更推高回開市價水平，「探底」訊號響起。
同時，STC走勢方面，已開始脫離超賣區，有向上展開升勢嘅迹象。有兩大潛在利好的因素支持下，不妨先吸第一注，上望4.5元。
瑪姬兒
足本收睇《亂噏24》x楊千嬅；緊接落嚟 Miriam繼續同你談談情,吹吹水！
周一至周五《亂噏24》約定你： http://bit.ly/appletalk24