某個角度來看，無綫執着、忠誠、矢志不渝。
他們對一些詞彙極度喜愛，所以劇集都是《××風雲》、《××狙擊》、《××豪情》，完全無法分辨各劇特色，混作一團，不知你我。
又極度喜愛私生子私生女，幾乎個個都唔係呢個阿媽生嘅，千方百計尋親或堅拒認親。歷盡波折，最後亦認祖歸宗。為什麼紅十字會尋人組不找他們當顧問？
所有劇集的多角戀，均可媲美本城娛樂圈那株男歡女愛千絲萬縷「聖誕樹」，ABCDEFG……全部有路，感情不可勉強，只是觀眾看得好勉強。
某晚看新聞（一定要劃清界線），廣告時段按掣跳到一個《××風雲》之類劇集，只見伍詠薇和疑似男友（有黎耀祥一日，他就嘥氣啦）遇歹徒襲擊，她大叫：「唔好呀！唔好呀！我大嗌一聲警察就嚟㗎嘞！我係法官，你地無法無天！停手呀！快啲停手呀！」騎呢之至，笑得我們！
被人打死也活該。
但世有不懂嗌救命和報警的官，好出奇咩？本城充斥不懂良知公義為何物的官，無恥已是常態了。