狼振英管治質素差劣唔使點講，「梁粉」質素就更不堪。廠商會副會長李秀恆噚日喺商界聯席午餐會上爭住向狼英提問，一開口就話長話短說，點知係長話長說，噴足5分鐘口水都未問到，廠商會會長施榮懷都頂唔順，插嘴叫停：「時間關係，問題要直接啲。真係唔好意思，我同你都係廠商會，我諗你要留啲時間畀其他人。」
言之有物還好，點知呢位梁粉講足5分鐘都冇人明佢講乜嘢，例如佢用油炸鬼同漢堡包比喻屏風樓同高樓，「就好似食油炸鬼，食完可能唔使抹嘴，但係食漢堡包，可能整到成面都係，就要抹嘴，換句話說，起高樓同起屏風樓係兩回事」。全場人你眼望我眼O晒嘴，套用鍾樹根嘅「古語」，「收皮啦」。
足本收睇《亂噏24》x楊千嬅；緊接落嚟 Miriam繼續同你談談情,吹吹水！
周一至周五《亂噏24》約定你： http://bit.ly/appletalk24