呢兩日，成個互聯網業界都談論緊馬雲又點樣喺光棍節創造傳奇，但實情係世界那麼大，市場並唔止得一個馬雲，起碼仲有個馬化騰。呢位騰訊（700）主席周日喺深圳出席集團舉辦「WE2013」大會，發表演講分享自己對互聯網業嘅睇法。
咪見小馬哥平時怕怕醜醜，原來佢都字字珠璣。先嚟話自己工程師出身唔識講金句，又話自己唔係導師，唔識講乜嘢心靈雞湯咁話，相當抵死。雖話佢冇指名道姓，但聽者好易對號入座，事關當今科技界，冇邊幾位好似馬雲咁，又做過老師又多金句囉。
唔覺意寸咗人之後，馬化騰又自嘲IT男（即係宅男啦），自小就好鍾意科學，咁大家又估唔估到佢細個嘅夢想係乜呢？當然唔係搞網絡、做生意啦，原來小馬哥嘅志願係做一個天文學家，唔知將來會唔會有顆星叫「騰訊星」呢？
足本收睇《亂噏24》x楊千嬅；緊接落嚟 Miriam繼續同你談談情,吹吹水！
周一至周五《亂噏24》約定你： http://bit.ly/appletalk24