昨日光棍節，你有否去淘寶大出血呢？其實網購已經成為大家茶餘飯後的例牌活動，除了淘寶，網上還有很多出血勝地：
asos.com
英國最大時裝網購站asos，連型女莊思敏也有光顧，價錢亦大眾化。
樂天市場購物網
上至靚衫，下至家電及食品都有售，勝在來自日本及有中文，非常親民。
Gmarket
要買韓貨，不一定要去東大門。來這網站，最潮韓妹打扮一覽無遺！
Net-A-Porter
此網站走高檔及高尚時裝路線，連有豐富網購經驗的潮女杜如風亦大力推介，「我覺得佢嗰editor's choice 好好呀！同埋佢會建議類似我會選擇嘅類型嘅其他牌子，畀我揀，都係中我心水！」
不過網購選擇眾多，不想買錯的話，就要學這幾招了：
諗完試完先買
「我嘅習慣就係，唔好即刻扑錘，先save喺購物車，諗多一晚、兩晚、三晚，跟住先慢慢篩走啲、再篩走啲...」杜如風更建議買品牌貨品，特別是鞋，最好先去該品牌分店試穿，保證萬無一失。
留意size
莊思敏建議最好先查清楚服飾尺碼是否適合自己，多數外國網站都會將示範模特兒的身高、尺碼寫清楚。
PM店主
身為形象指導的綠魔，亦有貼士醒大家，「我通常都會揀有實物嘅相，仲係要有model著住，同埋我俾錢前會pm店主，問清楚佢質料係點樣。」跟著這些步驟，那就花錢也花得開心又放心吧！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange