【審慎開價】
除了房協樂融軒，南豐東涌昇薈，以及由信置(083)、合和(054)和市建局合作的灣仔囍匯料同期推出。香港大學房地產及建設系講座教授鄒廣榮表示，新盤價格戰開始，但發展商不會明刀明槍減價促銷，而是透過送禮、稅務等優惠吸客。他相信，各新盤將貼近二手開價，「開得太低，買家覺得發展商開始減價，就不如等多陣先，等埋第二個發展商減價；開得太高，又會俾其他發展商食住你，個價開低你少少，啲人就衝晒過去」。
高緯環球大中華區評值及專業顧問部董事張翹楚表示，新盤熱賣原因主要視乎樓盤位置和優惠，例如尖沙嘴The Austin鄰近高鐵站，開價又貼近同區二手樓，加上稅務優惠，自然熱賣。相反，單幢樓設施少、管理費高，相信要提供更多優惠，才能與大型項目競爭。張翹楚續稱：「The Austin個盤咁大，發展商要散貨，梗係比多啲優惠。相反，揸住一幢樓，咪慢啲賣囉，總之一定要呢個價先賣。」他補充，舊樓重建項目成本高，「早期收返來，實呎一萬蚊，甚至萬三蚊，你諗諗平得幾多畀你呀……收返來都呢個價，情願賣慢啲，都唔會蝕讓」。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange