呢排狼英好唔得閒，周圍去拆彈，相反已貴為全國政協副主席嘅前特首董建華就樂得輕鬆，前日趁假期同老婆董趙洪娉拍拖行街街。
前日下晝董伯伯同董太十指緊扣喺中環ifc嘅city'super四圍睇，兩老拖到實好恩愛，以董伯伯今時今日嘅地位，點會冇保鑣呢？果然喺佢哋幾步以外，就有個保鑣𥄫到實，其間有市民認得董伯伯上前要求合照，保鑣都即刻出嚟擋駕。
只見董伯伯對啲海鮮特別有興趣，睇完又睇，但最後都係冇幫襯，拖番老婆離開，之後經過熟食檔又忍唔住望吓，但始終都係冇買嘢，咁屋企有安樂茶飯食，使乜食街邊啲「立雜嘢」吖！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange