西環干預港務，唔俾人睇香港電視，左報說，是天經地義一回事。
天經地義，天地雄心，天理不容。點解三揀二？假如天經地義，應該係零發牌，而不是三比二。令香港電視輸三比零的出局因素，經過一籃子推敲，是因為：
一，毛主席鍾意數一數二。習近平老婆至上，唔like小三，更加唔敢搞基。
二，西環部署自己搞一台西環電視，西環大，抑或香港大？睇吓政治地圖，一路向西，一目了然。
三，唔俾王維基做TV人，迫他出來選下屆特首。左報就大字標題說：這是人魔對決的天地聖戰。橋段可以拍到成套肥皂劇。
四，西環是三揀二當中，兩個中標的幕後金主。
五，西環覺得三揀二，另一個丟落堆填區更環保。
六，西環發出清晰訊息：呢個場，我睇晒！乜男子都給我滾！