講起遊戲機，好多人都會諗起SONY嘅項明生James（詹士）。不過，呢位SONY首位華人董事，噚日突然宣佈離開工作咗15年嘅公司。現年40幾歲嘅詹士喺SCEH（Sony Computer Entertainment HK）由低做起，每次有新產品PlayStation、PlayStation Portable都係由佢做推銷，又創辦亞洲遊戲展，仲搞gimmick去天水圍辦招聘會等。
詹士話想轉環境但唔透露去向，消息話佢獲邀去一間同手機有關嘅科技公司做CEO，公司唔使佢定時返工，只要為推廣策略獻計。咁有彈性就好啱詹士，因為佢已經變咗旅遊專家，一年最少外遊六、七次，又寫緊五份報紙、四本雜誌專欄。詹士16歲由四川嚟香港，由淨係識ABC到考入港大，之後到日本菲林公司做，菲林式微就轉做遊戲機，近年手機漸取代遊戲機，佢就轉戰手機界。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange