道理「針冇兩頭利」準沒錯，一年前安倍當選，在「安倍經濟學」下，日央行的大規模量寬將Toyota、Sony和Sharp從懸崖邊救過來，但日本人生活不可或缺的100Yen店則面臨嚴峻考驗，有店長指日圓貶值，來貨貴了要改變銷售方式，每包10個髮卷現變成8個一包。
100Yen店雖然在全球遍地開花，但秉承着「做到最好」的精神首選仍是日本。龍頭Daiso的100Yen店誕生於經濟泡沫破滅的1991年，「迷失廿年」正是其店的全盛時期，由於九成貨品都是靠入口，通過薄利多銷，三間100Yen店龍頭10年內擴張60%至5,400億日圓。
外電向分析師做的調查預計，日圓百算持續至明年，日本100Yen店好有機會好似本港咁，加價成「120Yen店」。至於在港經營日本城的國際家居零售（1373）豈不是有減價空間？錯了，早年日本城的確以專賣日貨打響名堂，但現時貨品來自13個國家，超過650家廠採購返嚟，毛利率46.1%，好搵咁多，產品質素可想而知。
呢個亦解釋點解後生仔女去日本100Yen店多過去本地的日本城，至於炒股就啱啱相反，高毛利反是賣點，9月上市後該股持續潛水，上周隨CEC國際（759）爆上後整固，現價吸納具值博空間。
Samantha
本欄逢周一、三、五刊出
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange