本周嘉賓依舊是喜劇天后楊千嬅，話題當然離不開電影，倪匡自認是戲癡，不過睇戲途徑似乎有點問題！《亂噏24》由今日至本周五每日播出兩集，讀者可於《蘋果動新聞》網頁觀看，亦可在 http://bit.ly/appletalk24重溫，足本版則於周四晚上11時播出。
指城城演得太落力
倪匡是名編劇，自當閱片無數，基本上甚麼類型電影都喜愛，除了文藝片和鬼怪片，他自嘲說：「我睇戲水準好低級，好鍾意睇胡鬧戲、笑戲、打鬥戲呀、死得人多嗰啲。」蔡瀾推薦倪匡應該看殭屍片，因符合他的喜好。蔡瀾見證殭屍片由低成本，慢慢演變至今日連大明星畢彼特（Brad Pitt）都要參演。肥佬黎則認為現今拍鬼片有一大優勢，就是用動畫去做，令效果更逼真。
上星期講到倪匡不滿有人在網上非法下載他的《衞斯理》小說，殊不知在今集節目中，他脫口爆出在網上觀看還未在港上映、郭富城主演的電影《全民目擊》！千嬅即打斷他：「哈哈，網上睇真係唔出得街呀，你話當睇首映算啦！」倪匡毫不理會，繼續大讚電影的過人之處，有些橋段比東野圭吾寫的還要好。肥佬黎問他郭富城演技如何？倪匡婉轉的答：「演得太落力啦，佢做警察從頭到尾未見佢笑過（扮嚴肅樣）。」倪匡其後還將責任推在發佈電影的人身上：「邊個放上去箒？真係奇怪！冇好處㗎喎！」相當抵死。
撰文：馮國康
足本收睇《亂噏24》x楊千嬅；緊接落嚟 Miriam繼續同你談談情,吹吹水！
周一至周五《亂噏24》約定你： http://bit.ly/appletalk24