（喜）拜仁慕尼黑（圖）上周六喺德甲主場對奧格斯堡，靠湯馬士梅拿喺補時5分鐘入12碼贏3:0，成功開[-2]「主勝」，總算喺小休前帶挈捧場客，而且將德甲不敗場數增至37場，改寫咗漢堡喺1983年1月做出嘅36場舊紀錄。同日佢哋死敵多蒙特作客禾夫斯堡反輸1:2而落後4分，仲有後防主力蘇保迪因膝部韌帶撕裂而要長唞6個月，真係慘上加慘。另外，前晚又有問題球出現，喺紐倫堡落後畀主隊慕遜加柏1:2時，佢哋前鋒祖斯比迪米斯有腳攻門明顯係中楣底彈入，但球證話個波未過白界判無效，轉頭仲失多球而輸1:3。德國足總同聯賽會最快要去到2015年先考慮引入門線技術，並且堅決唔用底線球證，唔知佢哋會唔會改變主意呢？
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange