今日係11月11號內地嘅光棍節，原來亦係會德豐地產常務董事黃光耀（Ricky）49歲牛一，不過佢結婚多年，冇做光棍好耐。噚日喺佢揸旗嘅The Austin祝捷會上面，一眾代理失驚無神拎蛋糕出來同佢預祝生辰，生日願望例牌都係身體健康，做得賣樓，當然仲要硬銷樓盤，佢話希望明年第二季推售The Austin第二期同樣賣個滿堂紅。
留心睇呢幅相，何解唔見會德豐地產主席梁志堅（堅叔）嘅呢，唔通Ricky激親堅叔？非也，堅叔當時只係被一大班記者圍住訪問，想走都走唔甩，代理又唔多識趣，唔等埋堅叔先一齊切蛋糕，搞到老人家趕唔切一齊吹蠟燭箒，堅叔今日請Ricky食餐勁都未定。
足本收睇《亂噏24》x楊千嬅；緊接落嚟 Miriam繼續同你談談情,吹吹水！
周一至周五《亂噏24》約定你： http://bit.ly/appletalk24