點解議員反對引用特權法調查「三揀二」？
不要問投反對票的光豬三十人，投棄權的盲毛六人組也不去深究，慳番啖氣。不如益吓名校小學校長，比英華更英華，索性向面試小一的考生示範，既然連「勒索」、「第二階段諮詢」這些常識用詞都要識，不妨再下一城，問吓點解立法會咁驚青。當然，家長老師協助作答，一樣得。
小一生會怎麼想？我模擬答案，讓他們揀N個：
a，因為西環好惡，惡過校長。b，因為三十個媽咪叫他們的仔女投反對票，老師說過，一定要聽媽咪話。c，因為，係咪……勒索？d，因為冇卡通片都唔定。e，因為他們唔鍾意食維雞。f，因為這三十六個，都是蠢蛋。g，因為如果他們不投反對票，會被解放軍佔領中環，用坦克車轆死。h，因為政府答應過，投反對票，就會有禮物。i，因為他們曳曳，say no。j，因為他們都是菲律賓總統的手下。k，因為他們集體H7N9嘛，所以唔返得學。l，因為……嗯，我唔知新聞噏乜！什麼叫做凸權法？係咪凸首識打拳？