新導演「好佬」拍咗套電影《鹹魚》，搵咗一班甘草級演員嚟拍，喺一致唔睇好之下居然畀佢殺出條血路，事實上套戲拍得唔差，後期同拍攝都好有水準。開始有人質疑套片唔係好佬嘅自家作品，經關仁多番打聽後，套戲千真萬確係好佬一手一腳做，同佢合作嘅工作人員不知幾開心，因為好佬鍾意慢慢撚，影滴水都拍咗三日，又唔使捱飯盒，每日有3個鐘食飯，班工作人員話未試過咁舒服，所以出嚟嘅畫面好靚，不過就超支3倍，足足拍咗100日，好在佢老竇大把錢。
撰文：關仁
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！