馬會早前同職業訓練局（VTC）簽訂合作協議，邀請國際級米芝蓮名廚訪港，為修讀廚藝及餐飲課程嘅學生示範廚藝同交流，合作第一炮上星期完成，嚟自德國嘅三星米芝蓮名廚Heinz Winkler獲馬會邀請，一連三日喺跑馬地會所打吡餐廳獻技，更到VTC轄下旅遊服務業培訓發展中心示範廚藝（圖）。Heinz Winkle 30歲已獲頒第一顆米芝蓮星，32歲成為最年輕三星主廚，歷年來獲頒米芝蓮三星共20次，現時喺德國有自己嘅名店，吸引世界各地名人到訪。馬會今次同VTC合作，學生應該學到嘢，馬會會所及款客事務部主管（營運）帥宏志話，希望年輕廚師得益，令本港飲食業有更多人才。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange