魔童王維基噚日為老友嘉利國際老闆何焯輝嘅新概念餐廳剪綵，同民建聯李慧琼、蔣麗芸、黃定光狹路相逢。影大合照嗰陣，原本兩邊人馬分開企，點知何焯輝好識做，安排佢哋企埋一齊，方便記者影相。但見李慧琼、黃定光伸出投反對票之手，魔童當場向住禮義廉三人組雙手合十（圖），令八方諗起當年周南向肥彭合十打招呼經典一幕。魔童道行夠晒高，對住「維基慘案」三個幫兇，竟然笑得出，最後都有同對方握吓手。間餐廳仲請咗張崇德一家四口做嘉賓，魔童同佢哋合照嗰陣好好傾。張崇德話魔童係佢中學師兄，佢亦有關心電視牌風波，讚師兄有創意，「佢好積極開心面對，仲同我講點有創意面對件事」。
足本收睇《亂噏24》x 楊千嬅；緊接落嚟 Miriam 繼續同你談談情, 吹吹水！
周一至周五《亂噏24》約定你： http://bit.ly/appletalk24