香港航空近日負面新聞多籮籮，原來員工怨氣都好大。有飛機師反映，港航好多主管係菲律賓人同南亞裔人，只關照自己友，近排有個菲籍主管升咗七、八個菲籍副機師做正機師，本地副機師就無得升。港航空姐懷孕後唔使飛，會調返辦公室做文職，但唔止冇正式辦公枱做嘢，仲被趕入茶水間，又禁止食嘢。另外，有人發現港航連畀乘客睇嘅航空雜誌都錯漏百出，香港嘅英文竟印成Kong Kong。八方聯絡過港航，港航澄清話，大肚空姐係被安置喺開放式會議區，並非茶水間。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange