企業公關其中一項工作係危機處理，斷估冇乜邊位公關好鍾意成日要出動化解危機，中石化（386）大公關呂大鵬最近同大家分享時承認，中石化曾經係負面新聞嘅重災區，佢返工嘅壓力相當大。
要講公關災難，中石化舊年就有單經典例子。舊年8月香港掛十號波，一艘貨輪遇上風浪，幾個貨櫃被吹落海，大批中石化膠粒跌落海同沖上沙灘，事發幾日中石化管理層先正式回應事件，撥款清理現場。
呂大鵬都話，舊年喺國資委管理嘅央企負面輿情中，中石化佔16%，傳媒關注中石化嘅信息總量係55萬條，平均每日1,522條，正面信息只得19%，負面信息佔42%，「就是說每日平均有639人在罵中石化」。
呂大鵬舊年中開始做中石化發言人，壓力之大可想而知，唯有靠公開透明盡量改善情況。係啦，普通企業公關都知道公開透明先係正道，689又明唔明呢？
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange