一場港視發牌風波嘅特權法投票，令大家睇清楚建制派議員嘅醜陋，最令人髮指嘅包括體育、演藝、文化及出版界馬逢國。佢明明係港視員工嘅業界代表，竟然投棄權票，業界選民仲話，最近收到佢嘅工作報告，越睇越火滾。事關佢喺報告回顧「界別議題」工作時夠膽話自己簽咗業界聯署，要求盡快交代免費電視發牌審批結果，仲話「本人將繼續督促政府盡快公佈申請結果，還公眾及申請機構一個合理的交代」。但事實係佢冇支持用特權法，難怪有選民話估唔到佢仲可以厚顏到自吹自擂。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange