藝人上位好講天時地利同人和，當然最重要係睇佢本身有冇潛質，年年夏天都出現好多𡃁模，如果唔進步，好快會俾後浪沖走。
𡃁模「名牌」最初出道條件都唔錯，大家都讚佢清純，佢就自信心爆棚以為可以上位，之前佢公司個「大師姐」諗住唔撈，名牌以為可以食住個勢上位，不過佢又未夠班。為咗令自己有多啲運，關仁聽聞佢最近去咗養鬼仔改運，佢屋企收埋好多神主牌，滿天神佛，乜都拜一大餐，關仁覺得要靠旁門左道上位，即使彈咗出嚟都唔會長久，不如穩陣做好自己好過啦。
撰文：關仁
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！