因為社會不接納，連與愛人拖手都要偷偷摸摸。23歲的內地人駱里與男友都在深圳工作，昨在港遊行時呼吸到香港自由的空氣，可以公然甜蜜地十指緊扣遊行，還情不自禁擁吻，毋須像在深圳時，要等街上無人才敢拖手。
大讚在港愛得自由
駱里與男朋友拍拖一年，來港參加昨日的同志遊行。他說在深圳行街時不敢公然拖手，「如果冇人會偷偷哋拖吓，如果有人就唔敢，會顧忌社會環境，擔心俾人影到上載上網唔係幾好」。
他大讚在香港可以愛得自由，不需再隱藏，「喺香港咁多人都可以拖」。難得有團體舉辦撐同志遊行，一定要出一分力，站出來爭取應有權利。「香港好自由、好勁，我哋喺內地都過嚟，所以香港人自己更加應該捍衞自由。唔單止香港，全國全球人都要爭取，為弱勢團體爭取」。駱里說，他在內地仍未「出櫃」，未知真的「出櫃」後工作上會否被歧視，「係唔敢，唔係唔想，我哋都想」。男朋友的父母已知道他們在一起，但自己的父母未知。他慨嘆「未搵到合適時間，可能過幾年」。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange