吳千語昨日到尖沙嘴出席Rilakkuma十周年活動，大會邀得兩名女fans與千語BB整pancake，主持要粉絲們嗌口號「淋蜂蜜」，食正男友林峯的諧音，令她甜笑。
提到林峯喜歡小朋友，千語BB直言未想生BB：「我都鍾意小朋友，但鍾意同生係兩回事，責任大好多，催經理人快啲生，鍾意玩人哋嗰個，我同佢就冇傾過。」林峯沒有詐型？她再強調自己未準備好生BB：「講事實，真係未ready，你哋問我鍾唔鍾意，知佢鍾意。要一步一步嚟，之前問結婚，𠵱家跳到生小朋友。」千語BB亦不擔心林峯等太耐令自己走寶，認為凡事順其自然：「人生行到咁遠，最緊要開心簡單先維繫到。」
採訪、攝影：林嘉慈
足本收睇《亂噏24》x楊千嬅；緊接落嚟 Miriam繼續同你談談情,吹吹水！
周一至周五《亂噏24》約定你： http://bit.ly/appletalk24