談到今次接拍《殭屍》的始末，吳耀漢坦言是因為他與導演麥浚龍契爺陳自強的友情：「陳自強打畀我叫我幫吓佢契仔Juno手拍部電影，其實佢打嚟一定冇問題啦，以我同佢嘅交情唔需要多諗。」至於他起初有否擔心過Juno初執導筒的功力？他大讚這位後輩說：「開頭真係有諗過一吓佢係咪識拍㗎，𠵱家年代要拍部殭屍片唔係咁容易喎，不過第一日開完工後就安心晒，佢好清楚自己想點同要拍啲乜嘢。」
吳耀漢於片中要化爛面妝，穿上厚厚戲服及戴上面罩扮殭屍，這對一位已73歲的老人家來說絕對負擔不輕，他坦言：「我接呢部戲嗰陣真係唔知咁多嘢，Juno呢個小朋友好有禮貌，唯一有樣嘢就係呢個衰仔成日將自己諗法收埋唔同人講，我都係去到片場先知要搞咁多嘢，不過有一樣嘢我就堅持唔得，就係Juno問我可唔可以戴有色隱形眼鏡，我一口拒絕，我成世人最怕係掂隻眼！」問吳耀漢有否上了賊船的感覺？他說：「咁又真係冇，喺片場拍戲最開心就係會發生好多你估計唔到嘅事，好似人生一樣，咁先好玩嘛。」
足本收睇《亂噏24》x楊千嬅；緊接落嚟 Miriam繼續同你談談情,吹吹水！
周一至周五《亂噏24》約定你： http://bit.ly/appletalk24