昨日不少演藝界人士參與同志遊行，有黃夏蕙、吳彤、樂隊C AllStar、梁梓禧（前名梁奕倫）、形象指導Karl Hui、茜利妹及郭啟華等。
為同性戀朋友發聲
藝人馬賽同性戀情曝光，遭無綫雪藏兩個月，昨出席遊行的黃耀明說：「吓！咁差呀啲公司。離開嗰間公司，搵過第二間公司囉。或者去平機會告佢，如果佢唔介意出嚟嘅話，所以我哋需要反歧視法，令佢哋唔會突然之間俾人放假。」
已出櫃的吳彤稱曾在加拿大參加同志遊行，但不敢讓家人知道，「我要避開現場鏡頭，驚屋企人睇電視會知」。出櫃後的他仍感壓力，「有壓力，家人慢慢接受我，𠵱家未有另一半，對屋企人嚟講，對方係好人就得」。樂隊C AllStar不是同志，昨也首度參與遊行，指身邊有同性戀朋友，成員安仔說：「有個教師朋友係同志，佢有啲同事知道後，覺得佢會教壞學生，其實工作能力同性取向冇關係，所以要為佢哋企出嚟發聲、反歧視。」另一成員釗峰承認曾有同性追求：「愛係冇性別之分，我會多謝對方嘅愛。」
足本收睇《亂噏24》x 楊千嬅；緊接落嚟 Miriam 繼續同你談談情, 吹吹水！
周一至周五《亂噏24》約定你： http://bit.ly/appletalk24