【本報訊】十壯士背後，除了有1.6萬人「like」的facebook專頁，過去三星期，當廣場的大銀幕熄滅後，更有一群無名的市民自發留守。有學生翌日要考試，寧願帶筆記通宵溫習；有市民為十壯士煮飯；亦有人設計十款心意卡打氣。他們跟香港電視（HKTV）員工萍水相逢，為的就是追尋真相。
在理大讀副學士的Yoyo是自發留守的市民，她指「唔出嚟唔舒服」，寧願帶筆記到廣場溫習考試，「唔好睇小每個動作，總可以帶到少少改變」。一般人收到電話推銷會馬上掛線，她卻利用機會去跟推銷員談港視風波，「至少個推銷員聽完我講，會知發牌事件唔係電台，係電視台」。
親為十壯士煮飯
Adam在主題公園擔任表演者，他在十壯士宣佈開始留守的一夜，到上周三立法會辯論引用特權法的晚上，一直留守政總。「唔係按個like就係撐，你唔行出嚟，就連畀政府知有人反對嘅機會都冇。」
創作人little something則為十壯士，設計十款心意卡打氣，這些號碼亦成為十壯士的編號。
任時裝設計的Bruce為十壯士煮飯，每晚親自由太子送到政總，「香港社會咁有勇氣嘅人好難得，政府冇啖好食，如果晚晚都有啲比較好食嘅嘢，都係一種另類支持」。他每次煮不同菜式，讓壯士們大飽口福。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange