6頁紙解釋「維基之死」，市民收貨嗎？
逐張紙計，每張都有一個真正的背後死因，包括：
第一頁：全香港只有一男子有資格戴頭盔，其他男子，一係戴套，二係戴帽，冇第三種選擇。
第二頁：樓市用辣招，TV市唔知落什麼重藥控制到，唔通日日停電咩。
第三頁：太多篤眼篤鼻的反對畫面，阿爺身邊的紅人秘密通水，叫一男子「小心份工」。
第四頁：收到風，基台有極大機會搞兒童台，向細蚊洗腦，睇住卡通，大食夾狼。
第五頁：一男子視民望如富貴浮雲，帶領團隊坐禪，少聽少睇，六根中，有四根半清淨，交到戲啦。
第六頁：最後一頁，悉心部署，繼續冇料到。到第七，才是維基的七宗罪。但第七頁偏偏欠奉。冇第七，隻手遮天，上帝都無情講。嗯，另一男子的「比白更白」已經是笑話了，一男子更勁，自覺比神更神。不公開的第七頁，是擊中要害的「神經」。