【本報訊】平權的雨水灑在青春的大專院校，一張又一張彩虹旗在初秋的校園如花綻放，見證着大專同志組織由一年前兩個到今天遍地開花。今年將與男友情侶裝上街的Justino，認為大學生是同志運動的新血，呼籲校園直孿同學今天上街，「爭取平權唔係淨係靠議員同明星，當然佢哋短時間內會好有影響，但未來仲有好遠嘅路，要我哋一齊去行」。
性小眾曾被拒入宿
港大學生Justino曾任該校Queer Straight Alliance（QSA）的主席，去年首次參與同志遊行，意識到要透過行動才可爭取自己的權利，「呢一年其實有好多突破，好似明星同議員come out啦，好多同志都出嚟發聲」。
今年在「Action Q大專生同志平權訓練計劃」的聯繫下，多間大專院校紛紛組隊撐同志遊行，Justino直言，在大學組織同志並不容易，因為性小眾未必願意出櫃，過往只有港大和中大設有關注性小眾的組織，「都有聽過某啲宿舍單純因為一個人嘅性取向，而拒絕佢入宿」。
同校的Casey因為未確定自己是雙性戀或女同志，經常被朋友以為她「貪玩」或「有病」，她希望透過上街打破性別定型；理大英文系的Ryan認為平權運動很有逼切性，「我唔做就無其他人做，好多人就算好認同，都唔肯行出嚟，因為驚俾人見到」。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange