【本報訊】在同志社群中，離鄉別井、與僱主同一屋簷下的家傭，處境之難不足為外人道，有僱主見工時開宗明義不准家傭愛女人，亦有男僱主刻意只穿內褲在家中穿梭，企圖以「男色」將女傭「拗直」。本港外傭同志組織希望僱主明白性取向不會影響工作表現，「啲人諗錯咗，驚啲姐姐搞妹妹，我哋唔會搞小朋友，唔會做犯法嘢」。
本港同志組織粉紅同盟成員、「Our World」印尼家傭同志組織負責人Excel指不少僱主對女同志傭工不友善，「個先生有少少鹹濕，着底褲喺屋企行嚟行去，想試吓佢係咪鍾意男仔，又問：『你做乜鍾意女仔箒？同女仔有乜嘢咁好玩？』」
怕女兒被侵犯
她表示，有僱主在見工時表明：「第一你唔可以借銀行錢、唔可以借擔保人，第二唔可以鍾意女仔。」一旦知道女傭是同志，就擔心女兒會被侵犯，「我哋唔會搞小朋友，唔會做犯法嘢，我哋都係好錫小朋友，當佢哋親生妹。」
另一個案中的女傭，被僱主「揭發」有女朋友後大罵，「鬧佢『係咪黐線㗎？係咪白癡㗎？係咪變態？係咪有病？』」
現時「Our World」有近50名會員，由於不是休假，今天的遊行她們都無法參與，她們最希望透過宣傳，令僱主明白性取向和孌童是兩回事。
足本收睇《亂噏24》x楊千嬅；緊接落嚟 Miriam繼續同你談談情,吹吹水！
周一至周五《亂噏24》約定你： http://bit.ly/appletalk24