天氣幸未轉冷，冬令時間開3點9的歐聯仍頂得住，小休兩晚，英超又到，今周焦點當然是曼聯迎阿仙奴的大戰，以及曼城及利物浦能否大炒對手，重心寧取氣「細」已成的修咸頓，[-1]打「老虎」侯城。
周中歐聯，英超列強出擊不止是球賽可觀，領隊手腕同樣好睇。摩連奴今季「人如輪轉」，天王老子也不賣賬，如比利時好波之人夏薩特周一缺操，摩佬歐聯就罰他作壁上觀；而伊度奧季初被彈不復舊觀，仍獲信任，今仗終梅開二度。伊度奧也懂賣乖，賽後歸功領隊，自言如非被囑勤力多走動，也不會截得希迪布蘭的解圍而反彈入網。伊度奧和費托由「廢」到勁，Special One抵讚。
另一支英超爭標熱門曼城終在歐聯出線，以其兵力其實正常不過，但想想文尼仙兩番闖關無功，比歷連尼卻馬到功成，也全因賞罰嚴明。文仙尼當年處理巴神事件貽笑大方，比帥燉英格蘭第一門將赫特則冇半分手軟，其他「僱傭兵」豈敢再揸流攤，兩場波入12球就是打真軍的威力。今周作客對剛戰罷聯賽盃的新特蘭，「客勝」可再追；利記傷疲盡起，可望極速反底，同樣大勝可期。
修頓經過10周比賽，目前仍能以19分、僅因得失球不及曼城而排第6，殊非易事，全因有個不遜於「雙藍」的好領隊──普捷天奴。阿根廷人沒讓球隊洋溢南美風格，而是確保控球率，以短傳入滲，加上穩守突擊來取得成功。修頓英超10戰以來，從未試過有一場失多於1球，主場5戰更只失1球，論守力，4大聯賽中僅次羅馬（11戰失2球），穩如鐵塔。
聖人踢法實際，82%的傳球為短傳，長波只得13%，穿透傳球絕無僅有，可見球隊地面入滲成熟，少打長波，少輸反擊，控球率列英超第5，更勝阿仙奴和利記。普帥繼續球隊青訓優良傳統，大小英兵如拉爾拉拿、禾特普斯、勞基梳爾及積洛迪古斯同受重用，加上恨踢世盃的列基林拔帶動，戰意高昂。剛戰聯賽盃不敵黑貓因盡遣後備，影響不大，今仗面對作客5戰得1勝4負的侯城，單W僅1.47倍足見信心，[-1]以外，保險買「細」亦可。周日魔兵大戰，寧買當頭起，當然是要阿仙奴了。文：仙道彬
足本收睇《亂噏24》x 楊千嬅；緊接落嚟 Miriam 繼續同你談談情, 吹吹水！
周一至周五《亂噏24》約定你： http://bit.ly/appletalk24