合和實業（054）主席胡應湘（哥頓）雖然係克羅地亞名譽領事，但其實只係去過嗰度兩、三次，不過佢認為，當地人少地多，冇香港咁擠迫，環境唔錯，基建都值得投資，仲呻早幾年走咗寶㖭！
哥頓話𠵱家最大心願係建成合和二期，形容呢個係佢幾十年嘅心血，政府一批出動工紙，佢就會全副武裝落地盤起樓，為自己同灣仔區負責，建成後就會考慮淡出。咁都講緊好多年之後喎。
講番佢同克羅地亞嘅淵源，哥頓好多年前做過世界銀行顧問，當時認識一位克羅地亞人，呢位仁兄後來做咗駐港領事，就邀請佢做名譽領事嘞。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange