【本報訊】「我好驕傲講一聲：我係同志！」去年這個月，何韻詩說了這麼一句，為的是宣示同志不是怪物，沒想到卻成為無數人勇於活出自己的強心針。今年遊行在即，阿詩的朋友問到遊行的意義，「有啲人唔可以企出嚟，喺黑暗中冇可能做自己，既然我哋可以企出嚟，就應該行出嚟，為其他人爭取一個更好嘅世界」。
「唔好因為我哋唔行出嚟，就當我哋唔存在，當我哋係怪獸。」身在外地接受本報電話訪問的何韻詩，談到去年反歧視法諮詢被否決，依然心中有氣，勇敢站出來正正是要破除誤解和偏見，對當日的決定無悔。
盼愛不再分對錯
「大家未接觸過，唔熟悉，會傳到佢（同志）好恐怖、好奇怪，我企咗出嚟，做好自己嘅嘢，希望慢慢用日子話畀大家知，我哋都只不過係同你哋一樣，一樣咁樣工作、咁樣生活。」
她直言身邊部份同志朋友從未參與遊行，亦不了解遊行的意義，「有啲人唔可以企出嚟，喺黑暗中冇可能做自己，既然我哋可以企出嚟，就應該行出嚟，為其他人爭取一個更好嘅世界」。
她認為平權之路漫長，但相信會看到成果，「唔好話遠到去同志婚姻、同志領養，首先我覺得我哋必須要將大家誤解，既有嘅概念更正番」。平權路上，她深信有很多同伴，「我對同性婚姻呢樣嘢有信心，我哋係向住一個有光嘅方向行，唔係做緊一樣冇希望嘅嘢」。
何韻詩希望，世界可以更包容，「希望有生之年再冇同志遊行，唔會再分同志唔同志，唔會將愛分類，分對或者錯。」
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange