【亂噏24 第18集】向來有「大笑姑婆」之稱的楊千嬅，今年憑《春嬌與志明》膺香港電影金像獎影后，演技終獲肯定，她早前擔任《亂噏24》嘉賓，逗得老頑童倪匡笑逐顏開，盛讚她是天生喜劇演員，千嬅卻自嘲：「我以前好離譜㗎！」《亂噏24》足本版逢周四晚上11時播出，讀者可在 http://bit.ly/appletalk24重溫。
撰文：馮國康、Sidekick
今屆金像影后楊千嬅，今年主攻電影，除拍攝杜琪𥧌的《單身男女2》外，又接演了彭浩翔的《曼珠莎華》。肥佬黎認為內地電影市場龐大，觀眾對電影的接受程度又大大提升，令本港電影業出現小陽春。千嬅甚為認同：「港產片好番好多，個氣氛好好，觀眾肯入場睇戲，畀到好多機會新人。」肥佬黎問港產片復蘇，是否因科技提升令拍攝成本降低？蔡瀾即指出導演和演員的片酬也不斷提升，所以成本亦高，千嬅表示若電影題材好，也不介意降片酬，她說：「呢樣嘢調番轉頭計，我覺得件事迴響大係緊要過片酬，把尺要好flexible先得。」
《春嬌與志明》雖是合拍片，但港式味道濃烈，倪匡不明白為何內地觀眾看得明，千嬅解釋：「內地年輕男女嘅愛情觀都一樣，喜劇有啲着數，因為多啲動作，而且氣氛、意識形態多啲，所以功夫片OK。或者三級片囉，都係動作嚟嘛。」肥佬黎問千嬅喜歡拍喜劇還是文藝片，千嬅答：「喜劇，但喜劇好難做，個timing好緊要，差咗一秒就唔好笑。」
護士生涯練大膽
倪匡讚千嬅是天生喜劇演員，她即笑說：「唉，我以前好離譜㗎！」認真風趣。提到千嬅笑點很低，事無大小都笑一餐，有大笑姑婆性格，千嬅稱可能跟她的童年背景有關：「細個可能性格直接，同埋潮州人屋企，但屋企重男輕女，好彩我出世嗰年爺爺搵到錢返屋企，覺得呢個孫腳頭OK嘅，咁跟住啲日子就好過。」
千嬅95年參加新秀歌唱大賽入行，在此之前曾在瑪嘉烈醫院任職護士，在那裏學懂很多做人道理，性格亦變得外向大膽，她說：「以前我唔敢同人講嘢，但你冇得唔講，死㗎嘛人哋會。同埋男人病房好尷尬，人哋見到你又尷尬，我見到人又尷尬。嗰時得19歲，勁驚囉！」千嬅認為最困難是哄病人食藥，倪匡笑說：「有咁靚嘅護士容乜易箒！」千嬅自嘲：「佢嗰時咁病，乜都睇唔到，我嗰時好『yor』㗎，冇咁企理㗎行出嚟！」
非法下載惹公憤
香港樂壇沒落已是不爭事實，蔡瀾指出歌星出唱片已沒錢賺，網上又可隨意免費下載歌曲，難以想像他們如何維生，千嬅無奈的說：「所以你要調節自己心態，音樂變成promotion，大家心裏面好過啲！」除了音樂，書本也可在網上任人下載，倪匡說到「火都嚟」：「全套《衛斯理》下載，43.5美金，個廣告出現喺我頭上喎！」千嬅感到大惑不解，認為應該可追回版稅，蔡瀾解釋：「你買一個app，佢已經有一條款，話人哋告唔關我事。」最荒謬是你下載app反而倒過來要付錢，肥佬黎氣憤的說：「佢收你app嗰個technology嘅錢，唔係收你內容嘅錢！佢哋已經無恥到完全感覺唔到無恥。」肥佬黎問千嬅一年平均要做幾多次演唱會，才可有錢賺？她答：「要視乎你有幾多大熱歌，因為好多街外客，一定要promotion夠，先有人買飛入嚟。」
香港明星身份比較特殊，既要識唱歌，又要有演技，大部份都要歌影視三棲發展，肥黎佬問道：「歌手要演戲嘅原因，會唔會係電影對佢啲歌嘅推動力好大？」千嬅解釋：「其實唔係。但其他國家可能分得好清楚，actor就actor，singer就singer。香港係好特別地方，可以有好多唔同機會，你有緣份或者talent就可以做埋。」
女人四十心態變
有趣的是，很多北方人都以為千嬅是演員，而不知她是歌手出身。倪匡搭嘴：「係呀，我都覺得你係演員。」肥佬黎嚴肅的問千嬅：「唱歌同演戲，你寧願做邊樣？」她猶豫了一回：「一定要揀呀？嘩，咁慘嘅？如果最尾都要揀，我諗我揀唱歌囉。」倪匡抗議：「點解箒，我覺得你演戲天份高過唱歌好多！對唔住呀，哈哈！」
快將40歲的千嬅，認為隨着年齡增長，在演藝事業上要有心態調整，她說：「你以前做緊女主角，你去到四、五十歲時候要做人阿媽，要將自己擠入去嗰個mode至得。」蔡瀾認為有些人不會自覺，有次他與岳華在新加坡，忽然有人叫岳華做「華叔」，令他打擊甚大：「佢唔知道自己已經係可以變成阿叔。」蔡瀾又憶起黃霑在生時較睇得開，甚至發揮幽默本色，他扮霑叔的語氣講有味笑話：「唔好叔叔聲呀！真係縮咗！」千嬅大讚：「呢個（gag）好勁！」
春嬌封后即變寶 自覺以前離晒譜
http://bit.ly/talk241801
炮製港式浪漫 合拍愛情片強攻內地
http://bit.ly/talk241802
入男病房練大膽 大笑姑婆勁老尷
http://bit.ly/talk241803
網上下載冇皇管 知識產權得啖笑
http://bit.ly/talk241804
千嬅唱歌最襟撈 被讚演戲天份高
http://bit.ly/talk241805
香港市場競爭勁 中女心態要調整
http://bit.ly/talk241806
肥佬黎乜都照講 蔡瀾媾亦舒嗌冤枉
http://bit.ly/talk241807
一腳踏兩船唔難 男人偷食怕麻煩
http://bit.ly/talk241808
丁生媾扮乖仔 哄千嬅好有計
http://bit.ly/talk241809
建立君子形象 靚女排住隊上
http://bit.ly/talk241810
足本收睇《亂噏24》x 楊千嬅；緊接落嚟 Miriam 繼續同你談談情, 吹吹水！
周一至周五《亂噏24》約定你： http://bit.ly/appletalk24