【藍可盈】嘟！嘟！嘟！嘟！特別新聞報道：「無綫新聞女記者即將刮起另一道『盈』風！」如果你以為黃紫盈同盤翠瑩「盈瑩離巢」，對其他女記者係一個佳音，呢個佳音最終受益者已經出現。最近一班高登仔喺網上成立咗另一個「迷盈黨」，能夠成功俘虜眾網民心嘅「盈」，係由有線過檔無綫嘅新晉女記者藍可盈。
呢個外貌有幾分似郭晶晶 + 陳慧琳 + 黃宇詩嘅藍可盈，身世都幾神秘，網上毫無資料，但佢出鏡冇耐已經受到唔少人注意，有網民讚佢靚過周嘉儀，仲cap咗好多佢報道新聞嗰陣嘅相，有唔少人話：「好想搣佢塊面」、「可惜佢喺tvb，唔緊要啦，佢喺邊我都咁支持佢」，跟住仲有唔少人呼籲加入「迷盈黨」。睇嚟如果想喺主播或者記者行列有運行，不妨喺個名度加個盈字！
場主：守庫
足本收睇《亂噏24》x 楊千嬅；緊接落嚟 Miriam 繼續同你談談情, 吹吹水！
周一至周五《亂噏24》約定你： http://bit.ly/appletalk24