摩通上月跟美國司法部達成和解，為不當銷售賠千億元後，可能成為驚弓之鳥。外電報道，摩通CEO戴蒙早幾日喺倫敦向員工落指令，叫大家喺電郵、WhatsApp講嘢小心啲，「唔好作大，唔好吹水，唔好講廢話！」以免被監管機構捉到痛腳。
投行賓架、分析員日理萬機，華華平日多數用WhatsApp搵佢哋問嘢，方便佢哋得閒先覆，電郵就好少用，事關公司電郵同枱頭電話一定有紀錄可查。如果佢哋喺trading floor做嘢，講手提電話都唔方便。
有歐資大行中人話，冇聽過公司有乜政策叫大家小心喺WhatsApp講嘢，佢就粗口、是非出齊。其實大家喺呢行有番咁上下日子，都心中有數。
足本收睇《亂噏24》x 楊千嬅；緊接落嚟 Miriam 繼續同你談談情, 吹吹水！
周一至周五《亂噏24》約定你： http://bit.ly/appletalk24