任賢齊、王敏德、陳君宜與羅霖等，前晚於尖沙嘴出席行李箱品牌Rimowa十周年慶祝活動，久未露面的小齊忙於巡迴演唱會，前晚他分享到玉樹探訪的經歷，有輕微高山反應的小齊，在山上感到頭痛，加上當地天氣寒冷，凍得未能入睡，他說：「有三個工作人員暈咗，兩個助手唔舒服，自己都有高山反應，頭痛，有國產電單車都行唔到，所以延遲咗運送啲煤炭到當地，喺香港去玉樹山區，用咗兩日幾時間。」
同場的陳君宜穿娃娃裝現身，令人懷疑懷孕，她笑說：「唔係，如果有都唔會着咁高踭啦！我𠵱家仲未ready，因為太忙，老公成日要飛成都，我哋分開時間太多。」明天她將與丈夫到菲律賓旅行。
採訪：林嘉慈
攝影：陳志嵐
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！