吳尊、林峯及周麗淇昨日在旺角出席美容店開幕活動，早前承認已婚及為人父的吳尊，上月榮升第二任爸爸，難怪心情大靚，吳尊做訪問時更主動說：「爸爸嚟喇！」重視家庭的他，活動後即趕返汶萊，為愛兒提早慶祝滿月。他稱已為兒子改名，但不願透露：「個名有開心意思，小朋友最緊要開心。」
因在北京拍戲，還要兼顧湊仔，吳尊看來瘦了，他笑說：「我係super daddy，最鍾意幫佢大便後擦乾淨，我最注重清潔，家人中我擦得最乾淨。」而大女也很愛錫弟弟沒呷醋，在北京拍戲期間，他用視像見兒子。問他這麼犀利會否再生？他說：「唔係犀唔犀利，畀最好attention仔女，𠵱家已好lucky好幸褔。」囡囡是否似鍾嘉欣？吳尊表示：「未知，因為佢仲長大緊，不過似都好，因為對方係靚女。」雖然太太未收身被影到相，他指一家人不會介意。
林峯千語癡纏
有傳周麗淇賣身無綫換獎做視后，明年會跟前度男友鄭嘉穎拍劇，她對此說：「咁大機構，唔會因一個人簽約而決定有獎，同無綫明年滿約，合約交畀公司傾。」續約機會大嗎？她說：「大大大，未定用乜嘢形式合作，出年返去拍劇，但未知同邊個合作。」可會介意跟前度合作？她說：「哈哈，都咁多年，應該唔會介意。」如果演情侶有親熱戲，會否怕男友呷醋，她說：「啲問題咁辣嘅？未係真實嘅事，而且工作大家會明白。」
此外，林峯跟吳千語也愛得甜蜜，千語之前指生日二人未食飯慶祝，林峯說：「有咁嘅事？已經成日食飯。」女友稱未有計劃結婚，林峯說：「順其自然，慢慢安排啦！」聖誕節工作，他不想於外地逗留太久，問是否不捨女友，他說：「唔想太匆忙，要坐飛機太辛苦。」
採訪：王連連
足本收睇《亂噏24》x 楊千嬅；緊接落嚟 Miriam 繼續同你談談情, 吹吹水！
周一至周五《亂噏24》約定你： http://bit.ly/appletalk24