蔡瀾在節目透露認識倪匡的經過：「係亦舒（倪匡妹妹）帶我去佢屋企。」肥佬黎單刀直接問：「你有冇同亦舒拍過拖呢？」蔡瀾苦笑答：「冇啦，呢個真係冤枉呀！」肥佬黎窮追猛打：「出面傳嘛，今次喺度證實吓！你一路都維護佢。」蔡瀾答得妙：「我一路都維護有才華嘅人。」還是倪匡抵死地打圓場：「亦舒又係沙沙滾！」千嬅笑說：「咁樣寫啲嘢出嚟先勁嘛，烈女嚟！」
千嬅也是烈女一名，但過往的感情都是循規蹈矩，她笑說：「我冇膽做箒，都有諗吓嘅以前！」倪匡認為一日未婚，就算一腳踏幾船也不是問題，肥佬黎說：「老實講喎，我從未試過一腳踏兩船喎！」倪匡笑說可能是沒機會，肥佬黎反駁：「唔係，唔係冇機會有，我後生都睇得吓㗎！」他思前想後，認為可能覺得太麻煩，才沒有沙沙滾，蔡瀾不太認同：「睇吓你係咪高手囉！」眾人洗耳恭聽其媾女心得，蔡瀾說：「我喺娛樂圈裏面咁耐，我係唔同女明星搞㗎嘛。所以你建立呢啲（形象），你至可以郁手囉！」
足本收睇《亂噏24》x 楊千嬅；緊接落嚟 Miriam 繼續同你談談情, 吹吹水！
周一至周五《亂噏24》約定你： http://bit.ly/appletalk24