怪獸家長橫行，早幾個月中大搞家長日引起社會一場討論，走在時代尖端嘅Google竟然都有家長日，畀員工帶埋父母返工。
Google負責人力資源嘅Laszlo Bock噚日在港分享，話兩年前有位員工抱怨父母唔理解佢嘅工作狀況，又冇辦法解釋清楚，好苦惱。Google於是喺紐約曼哈頓邀請285名員工父母到公司參觀，食餐晏，等佢哋瞭解仔女喺至潮嘅科技公司實際做乜。
美國加州總部Moutian View早前亦邀請咗5,000名員工家長到訪。Google已喺15個國家推行家長日，將來亦考慮在港舉行。
Google寫字樓亦以人性化見稱，開放式茶水間裏面擺滿零食，員工可以任食，但任食就容易致肥，惟有將部份零食擺得難攞啲，等同事三思。
足本收睇《亂噏24》x 楊千嬅；緊接落嚟 Miriam 繼續同你談談情, 吹吹水！
周一至周五《亂噏24》約定你： http://bit.ly/appletalk24