城規會之前通過山頂盧吉道建酒店，引起好多名人反對，包括鍾楚紅、梁朝偉、行會召集人林煥光，同埋行會成員陳智思都有簽名反對。最新一個表態反對嘅名人，就係前商務及經濟發展局局長馬時亨。美港聯盟噚日上載最新片段，片中見到馬時亨喺盧吉道散步，對住鏡頭揮手高喊：「我反對喺呢度起酒店呀！」美港聯盟話，其實馬時亨之前已聯署簽名反對，但噚日經過佢哋嘅街站時，就再拍埋片，認真唔話得。
美港聯盟過去一個月，每日都喺盧吉道收集簽名，累積收咗2.7萬個簽名，最近露出曙光，陳智思之前向佢哋透露，會詢問城規會，相信建酒店未必會硬去馬喎。
足本收睇《亂噏24》x 楊千嬅；緊接落嚟 Miriam 繼續同你談談情, 吹吹水！
周一至周五《亂噏24》約定你： http://bit.ly/appletalk24