有保皇派議員前晚為避示威者，罕有同因腳傷不便周圍走嘅長毛一齊留宿立法會，要瞓議員梳化床。新民主同盟范國威（圖）為撐留守政總嘅港視「十壯士」，前晚亦不惜捱夜兼守廁所，希望畀十壯士一個沖涼機會。
咖喱范話上年「反國教」期間，長毛曾經帶學民思潮成員入立法會沖涼，早前抗議政府封殺DBC，佢亦帶過樓南光去立會洗白白，一直相安無事；但噚日十壯士輪流沖涼時，一班立法會保安突然踩場話要登記，咖喱范為保壯士沖涼權，全程守住廁所同保安交涉。佢話其實立法會兩個沖涼房一向唔多議員使用，日後若可起多幾格，畀議員帶嚟嘅訪客用就最理想。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange