「吹波膠」早排扭計同經理人「諗計」吵大鑊，搞到滿城風雨。當時兩個人勢成水火，隔空互片有你冇我。其實佢哋已經唔係第一次嘈，係今次特別甘咁解，大家嘅說話講到好盡，認為雙方冇轉彎餘地。諗計亦都當冇呢個女，仲主動放咗唔少料畀相熟傳媒，臨尾仲加多句「幫我寫衰佢，有咁衰得咁衰」，又搵定律師諗住告到吹波膠甩褲，不過唔夠半年兩個人又和好如初。聽聞支持吹波膠嘅幕後收水，而諗計計過呢個囡囡始終係最賺錢嗰個，都話呢個圈冇永遠敵人，都係利益關係箒。
撰文：關仁
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！